Tórehan Sabyrhan men Ertýǵan Zeınýllınov Strandja týrnıriniń chempıony atandy
ASTANA. KAZINFORM - Bolgarııa astanasynda ótip jatqan bokstan halyqaralyq «Strandja kýbogynda» qazaq boksshysy Ertýǵan Zeınýllınov altyn medal jeńip aldy
Naqtyraq aıtsaq, erler arasynda 63,5 keli salmaqta qos qazaqstandyq boksshy altyn júldeni sarapqa saldy. ıAǵnı, Muhammedsabyr Bazarbaıuly men Ertýǵan Zeınýllınovtyń joldary fınaldyq básekede túıisti. Qos boksshy arasyndaǵy aıqas Ertýǵannyń jeńisimen aıaqtalyp, Bazarbaıuly kúmis júldeger atandy.
Al 67 keli salmaqta taǵy bir otandasyymyz Tórehan Sabyrhan da el qorjynyna altyn medal syılady. Ol fınalda ázerbaıdandyq Zaýr Gahramanov kezdesti. Nátıjesinde Tórehan tóreshiler sheshimimen jeńimpaz dep tanyldy.
Osy oraıda aıta keteıik, Tórehan Sabyrhan - el tarıhyndaǵy eń jas «Strandja» týrnıriniń chempıony. 19 jasqa endi ǵana tolyp, eresekter arasyndaǵy alǵashqy halyqaralyq týrnırine qatysqan Tórehan Sabyrhan qarsylas shaq keltirmeı, altyn medaldi jeńip aldy.
Sondaı-aq, erler arasynda 60 keli salmaqta taǵy bir qazaqstandyq boksshy Serik Temirjanov kúmis júldeni qanaǵat tutty. Ol fınalda jergilikti boksshy Radoslav Rosenovtan aılasyn asyra alǵan joq.
Esterińizge sala keteıik, osyǵan deıin atalǵan týrnırdiń fınalyna Qazaqstan quramasynan jalpy 18 boksshy shyqqanyn habarlaǵan bolatynbyz.
Búgin burymdy boksshylar arasyndaǵy jeńimpazdar men júldegerler tolyǵymen anyqtaldy. Qazaq qyzdary Strandja kýbogyn 1 altyn, 6 kúmis, 8 qola ıelendi.