Tórehan Sabyrhan kásipqoı bokstaǵy debıýtin sátti bastady
ASTANA. KAZINFORM – Qazaqstan ulttyq quramasynyń boksshysy Tórehan Sabyrhan kásipqoı bokstaǵy alǵashqy jekpe-jeginde jeńiske jetti.
Ol Astanada ótip jatqan «Battle of the Brave» kásipqoı boks keshinde sharshy alańǵa shyqty. Otandasymyz Chehııa ókili Iırjı Haýkemen (4-6, 2 KO) judyryqtasty.
Jekpe-jek barysynda qazaqstandyq boksshy aıqyn basymdylyq tanytyp, úshinshi raýndta qarsylasyn eki ret nokdaýnǵa túsirdi. Al, tóreshi jekpe-jekti aıaqtalǵanyn habarlap, Tórehan qarsylasyn tehnıkalyq nokaýtpen jeńdi.
Eske sala ketsek, Jánibek Álimhanuly 5 sáýir kúni Astana qalasynda kezekti jekpe-jegin ótkizip, chempıondyq beldikterin qorǵaıdy.
Buǵan deıin qazaqstandyq kásipqoı boksshy Álisher Ábdýálimniń (3-0, 2 KO) úndistandyq qarsylasynan basym túskenin habarlaǵan edik.
Ókinishke qaraı Aqnıet Álimbaı kásipqoı boksta alǵash ret qarsylasyna ese jiberdi.