Tórehan Sabyrhan: ıordanııalyq qarsylasymnan ese qaıtaratyn ýaqyt keldi
NAGOıA. KAZINFORM — Qazaqstandyq boksshy Tórehan Sabyrhan Japonııada ótip jatqan HH jazǵy Azııa oıyndarynyń fınalyna joldama aldy. Sportshy jartylaı fınalda ózbekstandyq boksshy Shavkatjon Boltoevqa qarsy jarqyn jeńisinen keıin, aqtyq synda kimmen judyryqtasqysy keletinin aıtty.
Tórehan jartylaı fınalda jeńilis tapqan aǵasy Mahmud Sabyrhan týraly pikir bildirdi.
— Mahmud ekeýimiz birge jeńiske jetip, birinshi orynnan kórinemiz dep úmittengen edik. Alaıda, jarys nátıjesi ózderińiz kórgendeı boldy. Ókinishti, árıne, biraq biz toqtamaımyz. Bizge qoldaý kórsetip, jaqsy tilek tilep jatqan Qazaq eline, barlyq jankúıerge raqmet, — dedi boksshy.
Onyń aıtýynsha, bapkerleri jartylaı fınaldaǵy ózbekstandyq qarsylasyna qoıǵan taktıkasy óz nátıjesin bergen.
— Ózbekstandyq boksshyny jaqsy bilemin. Osynyń aldynda Shymkenttegi oqý-jattyǵý kezinde oǵan qarsy sparrıng ótkizgen edim. Bapkerlerim qoıǵan taktıkany tolyq oryndap shyqtym, — dedi ol.
Tórehan fınaldyq jekpe-jekte ıordanııalyq qarsylasyna qarsy judyryqtasyp, esesin qaıtarǵysy keletinin jasyrmady.
— Fınalda kimmen bolsada judyryqtasýǵa daıynmyn. Sevon Okadzava jáne Zeııad Ishaısh ekeýi de eski qarsylasym. Aqtyq synǵa kim ótse de jekpk-jekke daıynmyn. Iordanııalyq qarsylasymnan ese qaıtaratyn ýaqyt keldi dep oılaımyn, — dedi qazaqstandyq boksshy.
Aıta keteıik, búgin Azıada boks básekesinde bes qazaqstandyq boksshy sharshy alańǵa shyqty.
Qorytyndysynda Alýa Balqybekova jáne Natalıa Bogdanova qarsylastaryna ese jiberip, Azıadanyń qola júldesin enshiledi.
Sonymen qatar, 2 dúrkin álem chempıony, 55 kelidegi Mahmud Sabyrhan ½ fınalda Tokıo Olımpıadasynyń kúmis júldegeri Karlo Paalamǵa 2:3 esebimen jol berip, qola medal enshiledi.
