Tórehan Sabyrhan Azııa chempıonatynyń kúmis júldesin ıelendi
ASTANA. KAZINFORM – Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynyń fınalynda el quramasynan Tórehan Sabyrhan (70 keli) sharshy alańǵa shyqty.
Qazaqstandyq boksshy aqtyq synda ıordanııalyq Zeıad Ishaıshpen qolǵap túıistirdi. Shıelenisti ótken aıqastyń taǵdyry sheshýshi raýndta sheshilip, 5:0 esebimen Zeıad Ishaısh jeńimpaz dep tanyldy.
Qurlyqtyq dodada otandasymyz budan buryn Shamshıer Saıdov, odan keıin qytaılyq Peıchang Ýangty jeńgen edi.
Tórehan Sabyrhan 2006 jyly 13 aqpanda dúnıege kelgen. 2025 jyly Anglııanyń Lıverpýl qalasynda eresekter arasynda álem chempıony ataǵyn jeńip alǵan bolatyn.
Endi el quramasynan 6-jupta Sabyrjan Aqqalyqov (75 keli) ózbekstandyq Javohır Abdýrahımov, 8-jupta Nurbek Oralbaı (85 keli) ózbekstandyq Jasýrbek ıÝldoshevpen sharshy alańǵa shyǵady. Sondaı-aq 10-jupta Aıbek Oralbaı (90 keliden joǵary) qytaılyq Danabek Baıkenjemen kezdesedi.
Aıta ketsek, budan buryn el quramasynan Orazbek Asylqulov (60 keli) Azııa chempıony ataǵyn jeńip aldy.
Aıta ketsek, 9 sáýirde elimizdiń áıelder quramasy qurlyqtyq dodada 2 altyn, 1 kúmis, 2 qola júldege qol jetkizdi.
