Tórehan Sabyrhan Azııa chempıonatynda qarsylasyn merziminen buryn jeńdi

Qazaqstandyq boksshy Tórehan Sabyrhan Astanada ótip jatqan bokstan jastar men jasóspirimder arasyndaǵy Azııa chempıonatynda merziminen buryn jeńiske jetti. Kazinform bul týraly Sports.kz-ke silteme jasap habarlaıdy. 

63,5 keli salmaq dárejesinde ótken týrnırdegi alǵashqy jekpe-jeginde Sabyrhan ırandyq boksshy Seıedalıakbar Mırahmadıbabaheıdarımen kezdesti. Qazaqstandyq boksshy eki raýnd boıyna senimdi túrde basymdyq tanytyp, úshinshisinde qarsylasyn nokdaýnǵa túsirdi.

Osylaısha Tórehan Sabyrhan qurlyq birinshiligin jeńispen bastady.

Aıta keteıik, Tórehan – «qazaqtyń Lomachenkosy» atanǵan Mahmud Sabyrhannyń inisi. Tórehan Sabyrhannyń jetistikterine kelsek, ol jasóspirimder arasyndaǵy Azııa chempıonatynda eki ret jeńiske jetken.