Tórehan Sabyrhan Azııa chempıonaty fınalynda synǵa túsedi

ASTANA. KAZINFORM - Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda búgin, 6 sáýirde Tórehan Sabyrhan (70 keli) fınalǵa shyqty.

Otandasymyz 1/2 fınalda Qytaı ókili Peıchang Ýangpen judyryqtasyp, qarsylasyn 3 márte nokdaýnǵa túsirdi. Nátıjesinde tóreshi 2-raýndta aıqasty toqtatýǵa sheshim qabyldady. Otandasymyz jartylaı fınalda taılandtyq Býndjong Sınsırımen qolǵap túıistiredi.

Tórehan Sabyrhan 2006 jyly 13 aqpanda dúnıege kelgen. 2025 jyly Anglııanyń Lıverpýl qalasynda eresekter arasynda álem chempıony ataǵyn jeńip alǵan edi.

Aıta ketsek, budan buryn el quramasynan Baqyt Seıdish (70 keli), Nadejda Rıabets (80 keli), Dına Islambekova (80 keliden joǵary) fınalǵa joldama alsa, Valentına Halzova (70 keli), Mahmud Sabyrhan (55 keli), Ertýǵan Zeınýllınov (65 keli) qola júldeger atandy.

Sondaı-aq elimizdiń erler quramasynan Orazbek Asylqulov (60 keli), Sabyrjan Aqqalyqov (75 keli), Nurbek Oralbaı (85 keli), Saǵyndyq Toǵambaı (90 keli), Aıbek Oralbaı (90 keliden joǵary), áıelderde Aıgerim Sáttibaeva (48 keli) fınal joldamasyn sarapqa salady.

Qurlyqtyq dodada el quramasynan barlyǵy 13 boksshy jarysty jalǵastyrýǵa múmkindik aldy.