Tórehan Sabyrhan, Aıbek Oralbaı bastaǵan Azıada júldegerleri elge oraldy
ASTANA. KAZINFORM — Qazaqstandyq Azıada-2026 chempıondary men júldegerleriniń úlken toby elge oraldy, dep habarlaıdy Kazinform tilshisi.
Almaty áýejaıynda sportshylardy jankúıerler, týǵan-týystary men jaqyndary, sondaı-aq jas sportshylar qarsy aldy.
Elge oralǵandardyń qatarynda bokstan Azıada chempıondary Tórehan Sabyrhan men Aıbek Oralbaı, kúmis júldegerler Eldos Smetov pen Ajar Ashat, sondaı-aq qola júldegerler Mahmud Sabyrhan, Alýa Balqybekova, Natalıa Bogdanova, Ekaterına Tarantseva, Ekaterına Tokareva, Anastasııa Ananeva jáne basqa da sportshylar bar.
Sportshylar jerlesterine jyly qarsy alǵany jáne qoldaý kórsetkeni úshin alǵys bildirdi.
Eske salaıyq, Azıada-2026 qorytyndysy boıynsha Qazaqstan 84 medal (12 altyn) jeńip alyp, jalpykomandalyq esepte segizinshi orynǵa ıe boldy.
4 qazanda Japonııada Azıada-2026 oıyndarynyń jabylý saltanaty ótkeni týraly jazǵan bolatynbyz.
