Tórehan Sabyrhan álem chempıonatyndaǵy alǵashqy jekpe-jeginde jeńiske jetti

ASTANA. KAZINFORM — Qazaqstandyq boksshy Tórehan Sabyrhan Lıverpýlde (Ulybrıtanııa) ótip jatqan eresekter arasyndaǵy álem birinshiligin jeńispen bastady. 

70 kelige deıingi salmaqta synǵa túsken Tórehan úshin debıýttik kezdesý sátti boldy. Otandasymyz aljırlik boksshy Esýf ıAıchemen tartysqa toly jekpe-jek ótkizdi. 

Úshinshi raýndta Tórehan eki márte qarsylasyn eseńgiretip, tóreshi esep ashty. Osylaısha qazaqstandyq boksshy 3:2 esebimen jeńiske jetti.

Eske sala keteıik, buǵan deıin Anglııanyń Lıverpýl qalasynda ótip jatqan World Boxing uıymy aıasyndaǵy 2025 jylǵy álem chempıonatynda tórt qazaqstandyq boksshy rıngke shyǵatynyn habarlaǵan edik.