Tóreǵalı Tóreáliniń Astanadaǵy kontserti ótpeıtin boldy

ASTANA.QazAqparat – Erkeǵalı Rahmadıev atyndaǵy Memlekettik akademııalyq fılarmonııa qazaqstandyq ánshi Tóreǵalı Tóreáliniń kontserti ótpeıtinin rastady, dep habarlaıdy QazAqparat tilshisi.

«7 shildede Erkeǵalı Rahmadıev atyndaǵy memlekettik akademııalyq fılarmonııada Tóreǵalı Tóreáli men Ábdijappar Álqojanyń kontserti ótedi dep josparlanǵan bolatyn. Keshe, 22 maýsymda kontsertti uıymdastyrýshy kontserttiń bolmaıtynyn habarlady. Demek bul kontsert bizdiń zalda ótpeıdi», - dep habarlady fılarmonııanyń baspasóz qyzmeti.

Buǵan deıin qazaqstandyq ánshi mas kúıinde kólik júrgizgeni úshin sot sheshimimen ákimshilik jaýapqa tartylǵan bolatyn. Ol 7 jyl merzimge kólik quralyn basqarý quqyǵynan aıyryldy, 20 táýlikke qamaýǵa alý túrindegi ákimshilik jazaǵa tartyldy.

Budan ózge, ánshige qatysty QR Qylmystyq kodeksiniń 378-baby «Bılik ókilin qorlaý» boıynsha qylmystyq quqyq buzýshylyq faktisimen qylmystyq is qozǵaldy.

Ánshiniń qaryndasy Dına Tóreáli aǵasynyń ustalǵany týraly buǵan deıin aıtqan bolatyn.