Tóreǵalı Tóreáli ızolıatordaǵy 20 kúndik jazasyna taǵy úsh kún qosyp aldy

ALMATY. QazAqparat - Ánshi Tóreǵalı Tóreáli qosymsha taǵy birneshe kúnge qamaýǵa alyndy. Bul týraly Almaty qalalyq sotynyń baspasóz qyzmetinen málim etti, dep habarlaıdy QazAqparat tilshisi.

Qazaqstandyq ánshi Ákimshilik quqyq buzý týraly kodekstiń 613-baby, 1-bóligi (polıtsııa qyzmetkeriniń talaptaryn oryndamaǵany úshin) boıynsha qosymsha jaýapkershilikke tartyldy.

«Іs materıaldaryn zerdelep, sot 14 maýsymda Álıhanovtyń (Tóreǵalı Tóreáliniń tegi – avt) esirtkige mas kúıinde avtokólik júrgizgenin anyqtady. Ol patrýl polıtsııasynyń kólik quralyn toqtatý týraly zańdy talaptaryn oryndamady», - dep habarlady sottan.

Nátıjesinde Tóreǵalı Tóreáli kináli dep tanylyp, oǵan úsh táýlikke qamaýǵa alý túrinde ákimshilik jaza qoldanylady.

Eske sala keteıik, 14 maýsym kúni Almatyda esirtkige masaıǵan kólik júrgizýshi polıtseılerge boı bermeı, oqıǵaǵa ornynan qashpaq bolǵany habarlanǵan edi.

Patrýldik polıtsııa qyzmetkerleri júrgizýshini ustap, medıtsınalyq saraptama nátıjesinde onyń esirtkige mas ekeni belgili boldy.

Sol kúni esirtkige masaıǵan kólik júrgizýshi ákimshilik jaýapqa tartyldy. Ol 20 táýlikke qamaýǵa alynyp, 7 jylǵa kólik júrgizý quqyǵynan aıryldy.

Sot otyrysynda quqyq buzýshy is materıaldarynda baıandalǵan faktilerdi rastap, ókinetinin aıtqan.

Keıin Tóreǵalı Tóreáliniń qaryndasy áleýmettik jelide aǵasy týraly aqparattyń jalǵan ekenin jazdy.