Tóreǵalı Tóráliniń xalyqqa urysyp sóılegeni ras pa
Tóreǵalı Tóráliniń ózi atalǵan vıdeoǵa qatysty resmı jaýap bergen joq. Ony ókilderi de pikir bildirýden bas tartyp otyr. Ánshi óziniń Instagramm jelisinde "ÓTІRІK" dep jazylǵan bir fotony ǵana saldy.
Dál osy "foto-jaýaptan" keıin xalyq Tóreǵalıdiń vıdeosyna qatysty san alýan pikirler qaldyrdy. Bireýler ánshini qorǵasa, endi bireýler jamandap jatyr. "Jelidegi vıdeo montaj bolsa eken", - dep tileıtinder de az emes. "Durys, halyq ózi ósiredi, ózi óshiredi. Degenmen, Tóreshtiń daýysynda zil bar ǵoı. Əlgi aqsaqal aýzynda ataly sózi joq bireý shyǵar, rasymen kóńiline keletin sóz aıtqan bolar. On jerden el aldynda júre bersin, ol da pende ǵoı. Onyń da júregi bar, kóńili bar. Men ol vıdeodan asa qatty əbestik kórmedim. Saýatty ǵana jaýap berdi. Eki sózdiń basyn qosa almaıtyndardyń qasynda Tóresh óte kórkem sóıleıdi. Naǵyz qazaq! Men onyń tyńdarmany emespin. Qazaqtyń balasy bolǵan soń aqtap otyrmyn...", - dep jazdy Nurbol esimdi qoldanýshy.
Ánshiniń ondaı sózinen keıin zaldan shyǵyp ketýge úndegen adamdar da bar. "Halyq nege otyr osynsha sóz estip? Barlyǵy shyǵyp ketpeı me? "Pojalýısta, esik ashyq, men eshkimdi ustamaımyn" dep otyr ǵoı. Halyq shyǵyp ketse kóretin edik qalaı án aıtanynyn. Admınıstratorlardan bılettiń aqshasyn talap etýleri kerek edi, eger shyn osylaı aıtqan bolsa", - dedi Amırova degen qoldanýshy.
Halyqtyń pikirlerine qaraǵanda, kontsertte úlken kisilerdiń bireýi Tóreǵalı Tórálige "fotoǵa túse bermeı, ánińdi aıtpaısyń ba" degen syńaıda eskertý jasady. Ony myna vıdeodan anyq baıqaýǵa bolady.
Sodan ashýǵa mingen ánshi kontsertke kelgen barsha kórermenderine kókeıinde júrgen oıyn jetkizgen.