Tóreǵalı Tóráliniń qamaýdaǵy merzimi aıaqtaldy
Almaty qalalyq sotynyń baspasóz qyzmetinen málim etkendeı, A. esimdi azamat (Tóreǵalı Tóráliniń tegi boıynsha – avt.) qamaýda ustaý ákimshilik jazasy 17 shilde kúni aıaqtaldy.
Ánshiniń qorǵaýshysy áleýmettik jelide onyń bostandyqqa shyqqanyn jazdy.
«Tóreǵalı uldaryńyz bostandyqqa shyqty. Barsha qoldap, qorǵaǵan oqyrmandarǵa myń alǵys! Bári jaqsy, ýaıymdaǵandaryńyz úshin raqmet aıtamyn!», - dep jazdy ol.
Eske sala keteıik, 14 maýsym kúni Almatyda esirtkige masaıǵan kólik júrgizýshi polıtseılerge boı bermeı, oqıǵaǵa ornynan qashpaq bolǵany habarlanǵan edi.
Patrýldik polıtsııa qyzmetkerleri júrgizýshini ustap, medıtsınalyq saraptama nátıjesinde onyń esirtkige mas ekeni rastaldy. Sol kúni kólik júrgizýshi ákimshilik jaýapqa tartyldy. Ol 20 táýlikke qamaýǵa alynyp, 7 jylǵa kólik júrgizý quqyǵynan aıyryldy.
Sot otyrysynda quqyq buzýshy is materıaldarynda baıandalǵan faktilerdi rastap, ókinetinin aıtqan.
Pablıkter resmı aqparatta «A. esimdi azamat» dep berilgen kólik júrgizýshiniń Tóreǵalı Tóráli (Alıhanov – red.) ekenin jappaı jazdy. Al Tóreǵalı Tóráliniń qaryndasy áleýmettik jelide aǵasy týraly taraǵan aqparattyń jalǵan ekenin jazdy. Keıin Tóreǵalı Tóráliniń ızolıatordaǵy 20 kúndik jazasyna taǵy úsh kún qosyldy.
3 shilde kúni áleýmettik jelide ánshiniń kólik júrgizgeni týraly aqparat tarady. Dál sol kúni ánshi Tóreǵalı Tóráliniń qamaýdaǵy merzimi taǵy 15 kúnge sozylǵany belgili boldy.
