Toraıǵyrov atyndaǵy PMÝ qurylys jasaǵynda 66 sarbaz eńbek etýde
PAVLODAR. QazAqparat - S.Toraıǵyrov atyndaǵy PMÝ qurylys jasaǵy sarbazdarynyń sany 66-ǵa jetti, dep habarlaıdy pavlodarnews.kz ýnıversıtettiń baspasóz qyzmetine silteme jasap.
«Jasyl el» jobasynyń jańa eńbek maýsymynda S.Toraıǵyrov atyndaǵy Pavlodar memlekettik ýnıversıtetinde stýdentter qatarynan 66 jas jumyspen qamtyldy», - dedi baspasóz qyzmetinde.
Sarbazdar ýnıversıtettiń jáne «Baıantaý» sporttyq-saýyqtyrý lageriniń aýmaǵyn abattandyryp jatyr. Aıta keteıik, byltyrǵy jyly stýdenttik qurylys otrıadynyń jumysyna 13 adam tartylǵan bolatyn. Sonymen qatar, 2018 jyly jalaqy 60 myń teńgeni quraǵan bolsa, bıyl sarbazdardyń sanynan bólek jalaqylary 96 myń teńgege jetti. Jalaqy memlekettik ýnıversıtet pen Pavlodar oblystyq jastar saıasaty jónindegi basqarma tarapynan tólenedi.
