«Topjarǵan» jobasynyń ekinshi maýsymy bastaldy
NUR-SULTAN. QazAqparat - Kórermen kózaıymyna aınalyp úlgergen «Topjarǵan» jobasynyń ekinshi maýsymy búginnen bastap kórermen nazaryna jol tartady, habarlaıdy QazAqparat.
Talanttylar shoýynyń ekinshi maýsymyn «Habar» telearnasynan 4 qazannan bastap, ıaǵnı búginnen bastap, ár juma saıyn, saǵat 21.40-ta tamashalaýǵa bolady.
«Habar» Agenttiginiń eń aýqymdy jobalarynyń biri, birinshi maýsymy kóptiń kóńilinen shyqqan «Topjarǵan» mýzykalyq jobasynyń ekinshi maýsymynyń tusaý keserin jiberip almańyzdar. Elimizdiń túkpir-túkpirindegi talantty jastardyń baǵyn ashatyn mýzykalyq shoýyn - «Habar» arnasynan, sondaı-aq, YouTube jelisindegi HabarShow arnasynan live rejıminde, 4 qazannan bastap, saǵat 21.40-ta tamashalaı alasyzdar.
Tóreshiler tizginindegi ánshi Dastan Orazbekov ádilqazylyqty adal atqarýdyń ózi asqan jaýapkershilikti qajet etetin jaýapty jumys ekenin aıtyp ótti.
«Qatysýshylarymyzdyń deńgeıi qýantatyn jaǵdaı. Kóbinde zamanaýı ánderge toqtalyp jatqany qýantady. Topjarǵan jobasy - talantty ánshilerdiń alańyna aınala bildi, birtalaı ózin ózi kórsete almaı júrgen, tanyta almaı júrgen ánshilerimige múmkindik syılaı bildi. Men úshin eń qıyny – bireýdiń taǵdyryn bir jaqqa qaraı buryp, aqaýyn betine aıtý. Biraq biz sol úshin de tóreshimiz. Ony seskenip, eger uıalshaqtap, aıaýshylyq tanytsaq - erkelikpen tamaqtandyratyn sııaqtymyz. Sol sebepti ádilettilikti aldyǵa qoıyp, durys tańdaý jasaýǵa tyrysyp baǵamyn», - deıdi ánshi Dastan ORAZBEKOV.
Bıylǵy jylǵy «Topjarǵan» mýzykalyq báıgesine shet eldik ánshiler de qatysyp, baǵyn synaýda. Esesine, tartystyń kórigi qanyǵyraq, júldeniń ıisi jarqynyraq bolatyny sózsiz. Asyǵy alshysynan tússin deıtin, jeńimpaz tuǵyrynda tursyn deıtin óz tańdaýyńyzdy jasaǵyńyz kelse – ár juma saıyn «Habar» arnasynan kórigi qyzǵan konkýrsty tamashalańyz.
«Bul konkýrstaǵy baǵyn synap kelgen ár joba qatysýshysy - dúnıe júzindegi eń joǵarǵy dárejedegi mýzykanttardyń, kompozıtorlardyń, ánshilerdiń repertýarlaryn oryndaıdy. Jalpy «Topjarǵannyń» ereksheligi –ánshi sahnaǵa shyqty, nátıjesinde salǵan bir ánimen ne ótti, ne ótpedi. Kórdińiz be? Sonda ol bir ánimen búkil sheberligin kórsetý kerek, bir ánmen búkil tóreshilerdi de, kórermendi de tańqaldyra bilýi kerek. Óziniń deńgeıin kórsetip úlgerýi kerek. Sondyqtan bul úlken sheberlikti qajet etetin konkýrs»,-deıdi tóreshilerdiń qataryndaǵy, QR-nyń halyq artısi Roza Rymbaeva Qýanyshqyzy.
«Men qatysýshylardyń júrgizýshisi bolǵandyqtan, sahna syrtynda júrgendikten, qatysýshylardyń ár qaısyna baýyr basyp qalamyn, ár qaısyna jaqynym, týysym, dosym retinde qaraımyn. Ýaıymdaımyn. Ár qaısy maǵan ystyq. Kásibı deńgeıdegi Topjarǵan óziniń ekinshi maýsymyn jalǵastyryp jatyr. Byltyrǵy da, bıylǵy da qatysýshylary - óte talantty, daryndy, kásibı dep aýyz toltyryp aıtýǵa ábden laıyq»,-deıdi joba tizginindegi ánshi, ári júrgizýshi Madına Sádýaqasova.
Aıta keteıik, «Topjarǵan» mýzykalyq shoýyna qatysýshylar jeńimpaz ataný úshin ózara saıysqa túsedi. Ár kezeńde oza shapqan tórt qatysýshy mártebeli orynǵa jaıǵasady jáne óz bıiginen tómendemeý úshin bar ónerin pash etedi. Al sońǵy kezeńge jetken qatysýshylardyń ónerin kórermen daýys berý arqyly baǵalaı alady.
«Topjarǵan» mýzykalyq shoýyn - «Habar» arnasynan, sondaı-aq, YouTube jelisindegi HabarShow arnasynan live rejıminde, búginnen bastap, ár juma saıyn, saǵat 21.40-ta tamashalaı alasyzdar.
