Topyraq qunaryn ketirgen fermerlerden jer tartyp alynady
"Jer qunaryn tekserý ár 5-7 jyl saıyn júrgiziledi. Onyń ýaqyty kelgende olar tekseriledi. Sondyqtan osy jyly keıbir aımaqtarda zertteý júrgiziledi, onyń nátıjesi boıynsha jer telimderin alý jóninde sheshim jasaımyz", - dedi ol.
Onyń aıtýynsha, áli jer telimderin alý oqıǵalary bolǵan emes, degenmen oryn alýy bek múmkin. Sebebi, zerttep qaraý nátıjeleri boıynsha sońǵy 25 jylda gýmýs quramy joǵary egistik jerler topyraǵynyń aýdany 16,6 mln. gektardan 255,5 myń gektarǵa deıin tómendegen.
"Jer telimderin alý protsesi sot sheshiminiń negizinde júredi", - dep atap ótti mekeme dırektory.
Tyńaıtqyshtardy jetkiliksiz qoldaný, kópjyldyq topyraqtardy sebý alqaptarynyń kemýi, egistik aınalymynyń saqtalmaýy jáne bıdaı daqylynyń basym bolýy topyraq qunarlyǵy men aýyl sharýashylyǵy daqyldary ónimdiliginiń tómendeýine ákeldi.
"Eger qatań sharalar qoldanbasaq, erteń azyq-túliksiz qalamyz", - deıdi ol.
Osy oraıda, jer resýrstaryn utymdy basqarý úshin 2014 jyly QR Jer kodeksine paıdalanylmaıtyn jáne ıgerilmegen jerlerdi nemese zańnamany buza otyryp paıdalanylatyn jerlerdi májbúrlep alý jónindegi normalardy qatańdatatyn ózgerister engizildi.
Budan basqa, Aýyl sharýashylyǵy mınıstrligi jańa aýyl sharýashylyǵy maqsatyndaǵy jerlerdi utymdy paıdalaný qaǵıdalaryn ázirleýde, olar egistik aınalymyn saqtaý, jaıylymdarǵa ońtaıly júktemeni qamtamasyz etý, topyraqtyń agrohımııalyq quramyn kútip ustaý, fıtosanıtarııalyq is-sharalardy oryndaý, óndiristik kórsetkishterdiń saqtalýy jónindegi talaptardy qamtıtyn bolady.
Bıylǵy jyly QR AShM Agrohımııa qyzmeti respýblıkalyq ǵylymı-ádistemelik ortalyǵy topyraqtardy zerttep qaraýdy 3,2 mln. gektarda ótkizedi, sonyń ishinde tabıǵı eginshilik aımaǵyna jatatyn 2,9 mln. gektar alqap jáne 298 myń gektar sýarmaly jerler qamtyldy. Aqtóbe oblysynda 105 gektardan astam, Qostanaı oblysynda 777,5 gektar egistik alqaptary zerttelip qaralatyn bolady.