Toptacyp qylmys jasaǵan tórteý jazasyn aldy - Qyzylorda
QYZYLORDA. QazAqparat - Qyzylorda oblysynyń qylmystyq ister jónindegi mamandandyrylǵan aýdanaralyq sotynyń sýdıasy Saǵatbek Súleımen jurtshylyq arasynda qoǵamdyq pikir týǵyzǵan qylmystyq is boıynsha brıfıng ótkizdi. Sotty bolǵan tórteýdiń biriniń ótinishine oraı sot alqabılerdiń qatysýymen ótti, - dep habarlady QazAqparat HAA tilshisi oblystyq sotqa silteme jasap.
Sottalýshylardyń ekeýi 4 jábirlenýshini pyshaqtap, aýyr jáne jeńil dene jaraqattaryn salady. Osynyń saldarynan 1 jábirlenýshi qaıtys bolyp, 3 jábirlenýshi aýrýhanaǵa jetkizilgen. «Qalǵandary asa aýyr qylmysty jasyryp, tıisti oryndarǵa habarlamaǵan» dedi qylmystyq is boıynsha tóraǵalyq etýshi sýdıa Saǵatbek Súleımen.
Sot úkimimen 1 sottalýshy adam óltirgeni úshin 16 jylǵa bas bostandyǵynan aıyrylsa, taǵy bireýi 11 jylǵa kesilip, jazasyn qatań rejımdegi túzeý kolonııasynda óteıtin boldy. Al eki sottalýshynyń 4 jáne 2 jylǵa bas bostandyqtary shektelip, probatsııalyq baqylaýǵa alynady.
Úkim zańdy kúshine engen joq.
