Topar kólderinde qyrylǵan balyqtardan synama alynady
NUR-SULTAN. QazAqparat - Almaty oblysynyń Balqash aýdanyndaǵy Topar kólderinde balyqtardyń qyrylýy tirkeldi. Bul týraly QazAqparat Ekologııa, geologııa jáne tabıǵı resýrstar mınıstrliginiń bapasóz qyzmetine silteme jasap habarlaıdy.
«2021 jylǵy 1 sáýirde Balqash-Alakól oblysaralyq basseındik balyq sharýashylyǵy ınspektsııasy áleýmettik jelilerge monıtorıng júrgizý barysynda Topar kólder júıesinde balyqtardyń qyrylý faktisin anyqtady. Mundaǵy sý aıdyndaryn «Zagotpýshnına» JShS balyq sharýashylyǵy men «Patrıot» ABQB nysandaryn baqylaýyna berilgen. Ózara is-qımyl shemasy boıynsha balyqtardyń qyrylý faktisioqıǵa anyqtalǵan sátte-aq barlyq jaýapty organdarǵa jedel habarlanǵan», - dep jazylǵan resmı málimette.
Balyqtyń qyrylý sebebin anyqtaý úshin oqıǵa ornyna Balqash-Alakól oblysaralyq balyq sharýashylyǵy basseındik ınspektsııasynyń mamandary men «Zagotpýshnına» JShS jáne «Patrıot» ABQB qoryqshylyq qyzmetiniń qyzmetkerleri tekserýge shyqty.
Vedomstvo ókilderi «Balyq sharýashylyǵy ǵylymı-óndiristik ortalyǵy» JShS men Almaty oblystyq ekologııa departamentiniń, Veterınarııalyq baqylaý jáne qadaǵalaý komıtetiniń Almaty oblystyq aýmaqtyq ınspektsııasynyń qyzmetkerleri de sý men balyq synamalaryn alýǵa baratynyn aıtady.
