Topar GRES-2-degi apat saldarynan er adam kóz jumdy
QARAǴANDY. QazAqparat - Qaraǵandy oblysy Topar kentinde ornalasqan GRES-2-de qazandyqtyń bý qubyry jarylyp, saldarynan bir adam mert bolyp, úsheýi kúıikpen aýrýhanaǵa tústi, dep habarlaıdy QazAqparat tilshisi.
Búgin, 13 jeltoqsanda Abaı aýdanynda «Kazakhmys Energy» JShS Topar-GRES-2-de qazandyqtan bý qubyrynyń jarylýy oryn aldy. «Kazakhmys Energy « JShS aqparaty boıynsha 1958 jyly týǵan er adam qaza tapty, 3 adam zardap shekti. 1975 jyly týǵan áıel jáne 1971 jáne 1980 jylǵy er adamdar 1-2 dárejeli kúıikpen aýrýhanaǵa jatqyzyldy.
«Abaı qalasynyń jylý jáne elektrmen jabdyqtalýyna atalmysh oqıǵa áser etken joq. Qazirgi ýaqytta «Kazakhmys Energy« JShS kúshimen jóndeý-qalpyna keltirý jumystary júrgizilýde», - dep málim etti Qaraǵandy oblysy TJD baspasóz qyzmeti.
