Topan sýdan zardap shekken maqtaaraldyqtar Tóle bı aýdanyna kómektesip jatyr
TÓLEBI. QazAqparat – Nóser jaýynnan úıleri búlingen Tólebı aýdanynyń turǵyndaryna alǵashqylardyń biri bolyp maqtaaraldyqtar jetti.
Qaýipsiz jerge kóshirilgen 105 otbasyna birinshi kezekte qajetti 12 túrli azyq-túlik pen kıim-keshek, hımııalyq jáne medıtsınalyq zattar jetkizip berdi, dep habarlaıdy QazAqparat tilshisi.
Osy aıdyń basynda úıleri sý astynda qalǵan Myrzashóldiń turǵyndary birqatar qıyndyqty bastan ótkerip jatsa da tólebılikterdiń jaǵdaıyna beı-jaı qaraı almady. Maqtaly ólkeniń myrza halqy jibergen gýmanıtarlyq kómek jergilikti deńgeıdegi tótenshe jaǵdaıdyń zardaptaryn joıý jónindegi aýdandyq shtabtyń qoımasyna jetkizildi.
«Ózderi qıyn jaǵdaıda bolsa da bizdiń jaǵdaıymyzdy estı sala kómekke kelgen Maqtaaral aýdanynyń azamattaryna alǵysymyzdy aıtamyz»,- dedi Tólebı aýdanynyń ákimi Baýyrjan Omarbekov.
Aıta keteıik, aıtyp kelmeıtin apatty eńserýde Maqtaaral aýdany men Jetisý óńiriniń erikti jastary aldyńǵy shepte júr.
