Topan sý 69 adamnyń ómirin jalmady
ASTANA. QazAqparat - Mıanma úkimeti halyqaralyq uıymdardan gýmanıtarlyq kómek surap jatyr. Jergilikti turǵyndarǵa azyq-túlik pen kıim-keshek qajet, dep habarlady www.24.kz.
Onda da sý tasyp, marqumdardyń sany 70-ke jetip qaldy. 250 myńǵa jýyq turǵyn baspanasynan aıyrylyp otyr. Jergilikti bılik elde tótenshe jaǵdaı jarııalady. Tolassyz jaýǵan mýssondy jaýyn sý tasqynyna ulasqan. Elde bir aptada jaýǵan jaýyn mólsheri bir metrge deıin jetti. Jaýyn-shashyn maýsymy kórshi ornalasqan Qytaı men Úndistanda da jalǵasyp jatyr. Úndistanda tabıǵat apatynan qaıtys bolǵandardyń sany 75-ke jetti.
