«TOP–100 stýdent»: úzdik kolledj stýdentteri týraly elektrondyq jýrnal jaryq kórdi

ASTANA. KAZINFORM – Oqý-aǵartý mınıstrligine qarasty «Talap» KEAQ kolledjderdiń «TOP-100 stýdenti» respýblıkalyq baıqaýynyń qorytyndysy boıynsha elektrondyq jýrnal jasady.

— Elektrondyq jýrnalda baıqaýdyń maqsaty men mindetteri, uıymdastyrýshy, operator, seriktesteri men qatysýshylary aqparat jınaqtalǵan. Ásirese elimizdiń 100 úzdik kolledj stýdenti týraly málimetterge erekshe nazar aýdarylǵan. Jýrnalda olardyń aty-jóni, oqý orny, mamandyǵy, irikteý prıntsıpteri, jetistikteri, qoǵamdyq belsendiligi, sondaı-aq jobalardy iske asyrý nátıjeleri — jumysqa ornalasýy, trenıngter men kásibı damý baǵdarlamalaryna qatysýy týraly aqparattar qamtylǵan, — dep atap ótti Tehnıkalyq jáne kásiptik bilim berý departamentiniń dırektory Áset Muhambetov.

Elektrondyq jýrnal «Talap» KEAQ-nyń www.talap.edu.kz resmı saıtynda jarııalanyp, stýdentterge, oqytýshylarǵa, kolledj ókilderi men jumys berýshilerge qoljetimdi bolady.

Aıta keteıik, Oqý-aǵartý mınıstrligi osy jyldyń naýryz aıynda tehnıkalyq jáne kásiptik bilim berý uıymdary arasynda «TOP–100 stýdent» respýblıkalyq baıqaýynyń bastalǵanyn jarııalaǵan bolatyn.

Baıqaýdyń maqsaty — tehnıkalyq jáne kásiptik bilim berý júıesindegi daryndy ári bolashaǵy zor stýdentterdi anyqtaý jáne qoldaý.

Aıta ketelik kolledj baǵdarlamalary jańaryp jatqany týraly jazǵan edik.