Top-menedjerlerdi daıarlaý men qaıta daıarlaýdyń tujyrymdamasy ázirlenedi

Bul týraly búgin BNews.kz ınternet portalynda ótken onlaın-suhbat barysynda Indýstrııa jáne jańa tehnologııalar ınstıtýty janyndaǵy «Qazaqstandyq ındýstrııa damytý ınstıtýty» AQ prezıdenti Meıram Qajyken málim etti. Esterińizge sala keteıik, atalǵan ınstıtýt «Ónimdilik - 2020» baǵdarlamasynyń operatory bolyp bekitilgen bolatyn.

«Ónimdilikti arttyrýdy jańǵyrtý tek qana tehnıkany, tehnologııany, negizgi qordy ıelenýmen shektelmeıdi. Bul negizinen bıznes-úlgini, bıznes-mádenıetti ózgertý bolyp tabylady. Osy arqyly kásiporynnyń, kompanııanyń qurylymyna, qyzmetine ózgerister engiziledi. ıAǵnı bul rette menedjmenttik, basqarýshylyq quzyrlylyqqa qatysty kóptegen máseleler qamtylady. Dál bul baǵyttan kelsek, bizdiń kóptegen kompanııalar basshylaryna trenıngter, semınarlar men oqytýlar jetispeıtin tárizdi. Osyǵan oraı, Qazaqstan bıznes akademııasymen birlesip jumys isteýdemiz. Sondyqtan da, qyrkúıektiń 1-ine deıin top-menedjerler men orta býyn menedjerlerdi daıarlaý jáne qaıta daıarlaýdyń tujyrymdamasyn ázirlemekpiz»,-deıdi kompanııa prezıdenti.

Onyń aıtýynsha, búgingi tańda kóptegen kásipkerler, shaǵyn jáne orta bıznes ókilderi óz salalarynda oqyp, biliktiligin jetildirgisi keledi. Alaıda óńirlerdegi kásiporyn basshylaryna ondaı jaǵdaı qarastyrylmaǵan. «Sondyqtan da, óńirlerde kásiporyn basshylaryn qaıta oqytý ortalyqtaryn qurý oıda bar. Sol kásiporyndar ornalasqan jerde trenıngter ótkizý de oılanatyn dúnıe. Árıne, bunda áli de jetildire túsetin máseleler jetkilikti. Onyń bir tarmaǵy ádistemeniń biregeıliginde bolyp otyr», - dedi M. Qajyken.