Top-menedjerler men mıllıarder mingen ushaq apatqa ushyrady
ASTANA. Maýsymnyń 22-si. QazAqparat - Kongo Respýblıkasynda bortynda Sundance Resources ken óndirý kompanııasynyń top-menedjerleri bolǵan «Kasa S212» ushaǵynyń synyqtary tabyldy. Apat saldarynan áýe kemesindegi barlyq jolaýshy men ekıpaj músheleri qazaǵa ushyraǵan, dep habarlady Ýtro.rý agenttigi.
Onyń bortynda barlyǵy 11 adam: alty avstralııalyq, eki brıtandyq, eki frantsýz jáne 1 amerıkandyq bolǵan. Olardyń ishinde Sundance Resources dırektorlarynyń biri Djeff Ýedlok pen mýltımıllıoner Ken Tolbot bolǵan. Ken Tolbot Jasyl qurlyqtaǵy eń baı adamdardyń biri, onyń dúnıe-múlki bir mıllıard dollarǵa tarta qarjyny quraıdy.
Ushaq Kamerýnǵa maýsymnyń 19-y kúni ushyp shyqqan jáne Kongo Respýblıkasynyń ıAngadý qalasyna kelýi tıis edi. Munda Sundance Resources ken óndirý kompanııasy nysandarynyń biri bar. Fırma ókilderi men dırektorlar keńesiniń músheleri Kongoda temir rýdasy óndirilip jatqan kenishtiń jaı-japsarymen tanyspaqshy bolǵan eken.
Kamerýnnan ushyp shyqqannan keıin 25 mınýttan soń áýe kemesimen baılanys úzilgen. Ushaqtyń ózi ekrannan joǵalyp ketti jáne odan keıin iz-túzsiz joǵaldy dep jarııalandy.
Kongo men Kamerýnnyń ókimet oryndary izdeý operatsııalaryn bastady, oǵan qutqarýshylar, polıtsııa jáne áskerıler qatysty.
Birneshe saǵattardan keıin ný orman ishinde áýe kemesiniń bólshekteri tabyldy. Ázirge onyń apat bolý sebepteri belgisiz.
