Top Gear baǵdarlamasynan qýylǵan Djeremı Klarkson kólikter týraly jańa shoý túsirmek
ASTANA. QazAqparat - Top Gear baǵdarlamasynan qýylǵan atyshýly shoýmen ońaılyqpen beriletin emes. Ol endi temir tulparlar jaıly jańa shoý túsirmek. Bul týraly Klarkson taıaýda ǵana The Sunday Times basylymynyń ózi júrgizetin maqala baǵanasynda málimdedi, dep jazady 24.kz.
Ol jerde Top Gırdi baýyr basyp, ábden úırenisip ketken júrgizýshi bylaı dep aǵynan jarylypty: «Top Gear baǵdarlamasyna 12 jyldan astam ýaqyt boıǵy ómirimdi tárk ettim. Men ony tula boıymnan shyqqan balamdaı jaqsy kórip, júrgizdim. Endi qazir ol balamnan aırylyp qaldym, biraq onyń ornyna taǵy bireýin týdyryp, óz qolymmen túsirip shyǵarmaqpyn».
Ázirge shoýdyń naqty qandaı bolyp, qaı telearnadan kórermenge jol tartary belgisiz. Biraq beımaza Klarkson ony daıyndaýǵa qazirden qamdanyp jatsa kerek, dep jazady rbc.ru.
