Top-20: Elimizde týrızmdi damytýǵa jaıly óńirlerdiń tizimi bekitildi

ASTANA. KAZINFORM - Týrızm jáne sport mınıstri Ermek Marjyqpaev jýyrda týrızmdi damytý salasyndaǵy 2023 jylǵy qyzmet qorytyndylary men 2024 jylǵa arnalǵan basym mindetter týraly alqa otyrysynda Premer-Mınıstrdiń tapsyrmasy boıynsha basym aýmaqtardyń tizimi 10-nan TOP-20-ǵa deıin keńeıtilgenin málimdedi.

QR Týrızm jáne sport mınıstrligi baspasóz qyzmetiniń habarlaýynsha, Qazaqstandaǵy TOP-20 basym týrıstik aımaqtyń tolyq tizimi mynadaı: Han Ordasy (BQO), Qarǵaly sý qoımasy (Aqtóbe obl.), Týrıstik keshen (Qostanaı obl.), Şýche-Býrabaıdaǵy «Aqbýra» kýrorttyq aımaǵy (Aqmola obl.), Imantaý-Shalqar kýrorttyq aımaqtary (SQO), Baıanaýyl (Pavlodar obl.), Katon-Qaraǵaı kýrorttyq aımaǵy (ShQO), Alakól kýrorttyq aımaǵy (Abaı obl., Jetisý obl.), Túrgen-Qaskeleń taý klasteri (Almaty q., Almaty obl.), «Kóksaı resort» (Jambyl obl.), Balqash (Qaraǵandy obl.), Túrkistan (Túrkistan obl.), Baıqońyr ǵarysh aılaǵy (Qyzylorda obl.), Ulytaý aýyly (Ulytaý obl.), Jyly jaǵajaı (Mańǵystaý obl.), Saraıshyq qalashyǵy (Atyraý obl.), Shymkent – gastronomııalyq týrızm ortalyǵy (Shymkent q.) jáne Týrıstik aýdan (Astana q.).

Іshki týrızm aǵynynyń serpindi ósýin eskere otyryp, mınıstrlik jergilikti atqarýshy organdarmen birlesip atalǵan týrıstik baǵyttarda ınfraqurylymdy damytý boıynsha jol kartalaryn ázirledi.

Eske sala ketsek, Týrızm jáne sport mınıstri Ermek Marjyqpaev vedomstvonyń taıaýda ótken keńeıtilgen alqa otyrysynda otandyq týrıstik oryndardyń tizimi TOP-10-nan, 20-ǵa deıin keńeıtini týraly aıtqan edi.