TOP-10: Qazaqstanda eń kóp satylatyn avtokólikter qandaı
ASTANA. QazAqparat - Qazaqstandyq avtobıznes qaýymdastyǵy Qazaqstanda tamyz aıynda eń kóp suranysqa ıe avtokólikterdiń tizimin atady, dep habarlaıdy QazAqparat tilshisi.
Qazaqstandyq avtobıznes qaýymdastyǵy keltirgen málimete súıensek, shilde aıynan qaraǵanda tamyz aıynda jańa avtokólikterdiń satylymy 6 paıyzǵa kóbeıgen. Naqtyraq aıtqanda, Qazaqsanda dılerler tamyz aıynda 5 223 jeńil avtokólik pen jeńil kommertsııalyq tehnıkany, 303 dana aýyr júk kóligi, arnaıy tehnıka men avtobýstardy saýdalaǵan. Qazaqstandyqtar atalmysh aıda kólik satyp alý úshin 51 mlrd teńge jumsaǵan.
«Jańa jeńil avtokólikterdiń satylymy jaǵynan ondyqty burynǵysha - Toyota bastap tur. Tamyz aıynda atalmysh markanyń 1 264 avtokóligi (ótken aımen salystyrǵanda +9%) satylǵan. Qazaqstandyqtardyń nazary áli kúnge deıin Camry-den aýmaı tur. Ekinshi orynda - Lada (1 210 dana satylǵan; -2,4%). Qyrkúıek aıynda jańartylǵan Lada Granta kóligi shyǵarylady. Bul atalmysh markadaǵy kóliktiń satylymyn arttyrýy múmkin.
Úshinshi oryn - qostanaılyq óndiristegi Hyundai markasynda. Tamyz aıynda atalmysh markanyń 739 kóligi satylǵan. Sonymen birge, Nissan markaly kólikter tórtinshi orynǵa (239 dana), besinshi orynda Renault (193 dana satylǵan) tur. JAC krossoverleriniń tamyzda 181-i saýdalansa, TOP-10 kóshin Kia (167 dana), Lexus (124 dana), Skoda (93 dana) men Lifan (92 dana) túıindeıdi.
