TOP-10: 2025 jyly qandaı jumysshy mamandarǵa suranys joǵary bolady
ASTANA. KAZINFORM – Elimizde 2025 jyly joǵary suranysta bolatyn jumysshy mamandyqtardyń TOP-10 tizimi jasaldy.
Eńbek resýrstaryn damytý ortalyǵynyń málimetinshe, suranysy joǵary jumysshy mamandyqtardyń alǵashqy ondyǵynyń tizimi mynandaı:
1. Júk kóliginiń júrgizýshisi (21,8 myń adam nemese jalpy suranystyń 5,4 paıyzy);
2. Santehnıkter jáne qubyr salýshylar (17,3 myń adam nemese jalpy suranystyń 4,3 paıyzy);
3. Dánekerleýshi (15,6 myń adam nemese jalpy suranystyń 3,9 paıyzy);
4. Qurylysshylar brıgadasynyń basshysy, brıgadır (11,9 myń adam nemese jalpy suranystyń 2,9 paıyzy);
5. Avtobýs júrgizýshisi (10,8 myń adam nemese jalpy suranystyń 2,7 paıyzy);
6. Sylaqshy (9,9 myń adam nemese jalpy suranystyń 2,5 paıyzy);
7. Tehnık-elektrık (9,7 myń adam nemese jalpy suranystyń 2,4 paıyzy);
8. Traktorshy (9,6 myń adam nemese jalpy suranystyń 2,4 paıyzy);
9. Qurylysshy-montajdaýshy (7,9 myń adam nemese jalpy suranystyń 1,9 paıyzy);
10. Temir ustasy, slesir (7,4 myń adam nemese jalpy suranystyń 1,8 paıyzy).
Sondaı-aq, ortalyq sarapshylary kásiptik-tehnıkalyq bilimi bar mamandarǵa aldaǵy 5 jyldaǵy suranys kólemine jasaǵan boljamyn jarııalady:
· 2025 jyl: 63,8 myń adam
· 2026 jyl: 65,7 myń adam (+1,9 myń nemese 3%)
· 2027 jyl: 67,9 myń adam (+2,2 myń nemese 3,3%)
· 2028 jyl: 66,8 myń adam (1,1 myńǵa kemıdi nemese -1,6%)
· 2029 jyl: 67,5 myń adam (+0,7 myń nemese 1%)
· 2030 jyl: 71,4 myń adam (+3,9 myń nemese 5,8%).
Joǵarydaǵy derekterge súıene otyryp, jumysshy mamandyqtarǵa suranys jyl saıyn artyp otyratynyna kóz jetkizemiz. Al suranys artqan saıyn jumysshy mamandyqtardyń bedeli de joǵarylaı túsedi.
Qazaqstan kásiporyndary jumysshy biliktiligin arttyrýǵa 6 ese az qarajat jumsaıtynyn jazǵan bolatynbyz.