Too-Ashýý asýyndaǵy jol-kólik apatynan tórt adam qaza tapty
ASTANA. QazAqparat - Too-Ashýý asýyndaǵy jol-kólik apatynan tórt adam qaza taýyp, 14 adam zardap shekti, dep habarlaıdy Qyrǵyzstan TJM.
4 qarasha kúni keshke Kólbaev atyndaǵy týnnelde (Too-Ashýý asýy) júk kóligi tórt jeńil mashınany soǵyp ketken. Saldarynan tórt adam qaza taýyp, 14 adam túrli deńgeıde jaraqattandy. Zardap shekkender Qara Balta qalalyq aýrýhanasyna jetkizildi, úsheýin Jaıyl ólkelik aýrýhanasyna alyp ketken. Qurbandardyń denesi quqyq qorǵaý organdaryna tapsyryldy.
Aldyn ala boljam boıynsha, júk kóliginiń tejegishi isten shyǵýy múmkin. Týnnel arasyndaǵy qozǵalys ýaqytsha toqtatyldy.
Zardap shekkenderdi kóshirý jáne týnnel ishinde qalǵan jolaýshylardy qutqarý jumystaryna Qyrǵyzstan TJM Respýblıkalyq taý-qutqarý jasaǵynyń qutqarýshylary jumyldyryldy.
