Too-Ashýý asýynda qytaılyq azamattar mingen «Leksýs» aýdaryldy
ASTANA. QazAqparat - Qyrǵyzstandaǵy Too-Ashýý asýynda ishinde qytaılyq azamattar bar «Leksýs 470» aýdarylyp ketti.
Bul týraly «Kabar» agenttigine Shý oblystyq patrýldik mılıtsııa basqarmasy habarlady.
Málim bolǵandaı, jol-kólik apaty keshe, 15 qarashada saǵat 18:30-da Bishkek-Osh tasjolynyń 123 shaqyrymynda bolǵan. «Leksýs LX470» jáne «Toıota Avensıs» markili kólikter soqtyǵysqan.
Qatty soqqydan «Leksýs» joldan shyǵyp ketip, aýdarylǵan. Abyroı bolǵanda, «Toıota» júrgizýshisi men jolaýshylary zardap shekken joq. «Leksýs» kóligindegi jolaýshylardyń biri - Qytaı azamaty jaraqattanǵanymen aýrýhanaǵa barýdan bas tartqan.
Qazirgi tańda tergeý sharalary júrgizilip jatyr.
