Tonnalap zańsyz bekire aýlaǵan brakonerlerge úkim shyǵaryldy
ATYRAÝ. QazAqparat - Atyraý qalasynyń №2 soty ótken jyldyń qarashasynda bir tonnadan astam bekire balyǵymen qolǵa túsken 4 brakonerge qatysty úkim shyǵardy, dep habarlaıdy «QazAqparat» HAA tilshisi.
Sottyń tekserý nátıjeleri kórsetkendeı, 2017 jyldyń qarashasynda Qýatty sheteldik qozǵaltqyshtarmen jabdyqtalǵan brakonerlerdiń qos qaıyǵy Isataı aýdanynyń Jambaı aýylynda ustalǵan bolatyn. Olardan salmaǵy 1 tonna 110 keli bolatyn 304 bekire tuqymdas balyq jáne aý tárkilendi. Tórt qylmysker tutqyndalǵan.
«Sot úkimimen aıyptalýshylar QR QK 335 babynyń 4 bóligi boıynsha kináli dep tanyldy. Sot olardyń kinálaryn moıyndap, jasaǵan qylmystaryna ókinish bildirgenderin esepke ala otyryp, brakonerlerdiń árqaısysyn 2 jylǵa bas bostandyqtaryn shekteý jóninde úkim shyǵardy. Olar ómir boıyna balyq aýlaýmen aınalysý quqyǵynan aıyryldy. Sonymen qatar úkimet paıdasyna balyq pen qaıyq tárkilendi»,-dep habarlady sottyń baspasóz qyzmeti.
