Tonnalap dalaǵa laqtyrylyp jatqan mal terisi men júnin tıimdi paıdalanatyn joldar kerek
sp;ASTANA. Qarashanyń 5-i. QazAqparat /Gúlmıra Álıakparova/ - Aýyl sharýashylyǵymen aınalysýshy mamandar QR Prezıdentinen iri qaranyń terisi men tonnalap dalaǵa laqtyrylyp jatqan qoı júnin tıimdi paıdalanýǵa bolatyn tetikterdi qarastyrýdy surap otyr,
dep habarlaıdy QazAqparat.
Memleket basshysy N.Nazarbaevpen qarashanyń 13-i kúni bolatyn tikeleı efırge suraqtardy qabyldap jatqan Baılanys ortalyǵyna atalmysh másele boıynsha elimizdiń ár aımaǵynan habarlasyp, usynystaryn túsirip jatqan fermerlik sharýashylyqtar óte kóp.
Olardyń arasynda Soltústik Qazaqstan oblysynan hat jazǵan Álibek Týfseev te bar. «Men aýylda turamyn jáne aýyl sharýashylyǵymen aınalysamyn. Biraq iri qara maldyń terisi men qoıdyń júnin ótkizetin jer joq. Mundaı baılyqty tonnalap dalaǵa laqtyryp jatqanymyz ókinishti. Biz Soltústik Qazaqstanda turamyz, júndi pımalar men ishikterge shıkizat retinde paıdalanýǵa bolar edi. Buryn olar Qytaıǵa jóneltiletin, qazir ol joq. Bizge qaıta óńdeıtin zaýyttar qajet dep esepteımin. Máseleni nazaryńyzǵa alýyńyzdy suraımyn. Denińizge saýlyq, uzaq ómir jáne eńbegińizge jemis tileımin!», delingen onyń hatynda.
Sondaı-aq Abaı aýdany Qundyzdy aýylynyń turǵyny Qaıyrbek Baıtileýov Elbasyna joldaǵan hatynda:«Qurmetti, Nursultan Ábishuly! Shyǵys Qazaqstan oblysy Abaı aýdany tikeleı mal sharýashylyǵymen aınalysady, onyń ishinde qoı sharýashylyǵymen. 1994 jyldan beri mal ónimi - jún eshqaıda ótpeıdi, ıaǵnı dalada jatyr. Men mal mamany bolǵandyqtan jún óńdeıtin tseh ashyp, halyq tutynatyn zattar shyǵarsam deımin. Osyǵan qarajat jaǵynan kómek jasaýyńyzdy ótinemin», delingen.
