«Tóńkerister tizbegi kári qurlyqty qursamaq pa?» - respýblıkalyq basylymdarǵa sholý
***
«Keshe Aqordada Memleket basshysy Nursultan Nazarbaev EQYU-nyń Іs basyndaǵy tóraǵasy - Lıtvanyń Syrtqy ister mınıstri Aýdronıýs Ajýbalısti qabyldady», - dep jazady «Egemen Qazaqstan» gazeti búgingi nómirindegi «Uıymmen yntymaqtastyq jalǵasady» degen maqalasynda. Baslymnyń atap ótýinshe, kezdesý barysynda Qazaqstan men EQYU arasyndaǵy yntymaqtastyqty damytý máselesi talqylandy. «Qazaqstannyń EQYU-ǵa tóraǵalyǵy Uıymnyń tarıhynda tereń iz qaldyrdy. On bir jyldan keıin alǵash ret Astanada ótken sammıtte Uıymǵa múshe memleketter ózderiniń EQYU-nyń negizin quraýshy qaǵıdattardy ustanatyndyqtaryn taǵy da qýattaǵany óte mańyzdy. Lıtva Іs basyndaǵy tóraǵa retinde óz jumysyn osy negizde júrgizetin bolady», - dep atap ótken A.Ajýbalıs Prezıdent N.Nazarbaevpen áńgime barysynda.
«Egemen Qazaqstan» gazetiniń jazýynsha, keshe Aqordada Memleket basshysy Nursultan Nazarbaev Qazaqstannyń jetekshi BAQ jýrnalısterimen kezdesti. Kezdesý barysynda Nurtóre Júsip («Aıqyn» gazeti), Bıgeldi Ǵabdýllın («Central Asia Monitor» gazeti), Artýr Platonov («KTK» telearnasy), ıÝlııa Sınchýk («Habar» agenttigi» AQ), Nurlan Erimbetov («Astana» telearnasy), Lázzat Tanysbaı («Qazaqstan» RTRK» AQ) Memleket basshysyna birqatar kókeıkesti suraqtar qoıdy. Aqordadaǵy kezdesý jónindegi keńeıtilgen maqala osy basylymnyń kelesi nómirinde jarııalanady.
***
«Búginde qoǵamda keńinen talqylanyp, kabeldik operatorlar men sóz bostandyǵyn qorǵaıtyn uıymdar tarapynan qatal synalyp jatqan «Televızııa týraly» zań jobasynyń bolashaǵy áli de belgisiz. Biraq otandyq jáne sheteldik arnalardyń qyzmetin birdeı retteıtin zańnyń qajettigi daýsyz. Baılanys jáne aqparat mınıstrligi ókilderiniń málimeti boıynsha, búginde elimizde 150 kabeldik operator jumys isteıdi, olar 60-tan 120-ǵa deıin árqıly arnalardyń paketin usynady. Olardyń 80%-dan astamy - sheteldik arnalar. Al kabeldik operatorlardyń málimetinshe, búgingi tańda halyqtyń 73 paıyzy kabeldik jáne spýtnıktik arnalardy qarasa, 17 paıyzy efırlik otandyq telearnalardy kóredi eken. 9 paıyz halyq múldem teledıdar qaramaıdy», - dep jazady «Aıqyn» gazeti. Jazylǵan jaıt tóńireginde mol aqparatqa qanyqqyńyz kelse, basylymdaǵy «Aqparattyq qaýipsizdikti saqtaýǵa kim qarsy? Halyqtyń 73 paıyzy kabeldik jáne spýtnıktik arnalarǵa áýes...» degen taqyryptaǵy maqalaǵa kóz júgirtińiz.
Osy basylymda «Qazaq jylqysyn qaıta tiriltken kitap» degen taqyryppen maqala jaryq kórdi. Etnograf, tarıh ǵylymdarynyń doktory, Sh.Ýálıhanov atyndaǵy tarıh jáne etnologııa ınstıtýtynyń jetekshi ǵylymı qyzmetkeri Ahmet Toqtabaıdyń joǵaryda atalǵan kitabynda Qazaqstannyń barlyq aımaǵyn, Mońǵolııany, Qytaıdyń Altaı, Іle, Tarbaǵataı óńirin, Ózbekstan, Túrikmenstan, Reseıdi adaqtap, tirnektep jınaǵan derekteri qamtylǵan. «Bul albom kitaptyń qundylyǵy nede? Qundylyǵy sol, bul basylymnan jylqy tarıhynan bólek, jylqynyń júris túrlerine, jylqyǵa baılanysty mamandyqtarǵa, at oıyndaryna, jylqy tústerine, attyń synyna, at ábzelderiniń túrlerine, qazy ataýlaryna, qymyzǵa arnalǵan ydys ataýlaryna, qamshy túrlerine, qamshylaý ádisterine, jylqyǵa arnalǵan án men kúılerge, taǵalar tarıhyna, bir sózben aıtqanda, jylqyǵa qatysy bar qandaı da bir málimetterge tolyǵynan qanyǵa alasyz», dep jazady basylym.
***
«Tóńkerister tizbegi kári qurlyqty qursamaq pa?». Osy taqyryppen «Alash aınasy» gazetinde jaryq kórgen maqalada aldymen Afrıkanyń soltústiginen bastalǵan tóńkerister tizbegi ózge qurlyqtardy da sharpyp úlgergendigi jaıynda jazylǵan. «The Wall Street Journal basylymy taǵy birneshe memlekette tóńkerister oryn alýy múmkin degen boljam aıtady. Bálkim, bul sýbektıvti pikirlerdiń jıyntyǵy bolýy da múmkin, dese de gazettiń boljamynsha, tóńkerister tizbegi Kenııa, Kamerýn, Pákistan, Nıgerııa, Indonezııa, Marokko, Iordanııa sııaqty memleketterdi de basyp ótýi múmkin degenge saıady. Qalaı bolǵanda da, búkil álemniń nazaryn ózine aýdarǵan osy oqıǵalar ǵalam úshin eń basty qundylyq qaýipsizdik pen turaqtylyq ekenin taǵy bir eske salǵandaı», - delingen maqalada.
«Keshe Ortalyq saılaý komıssııasy taǵy eki úmitkerdi Qazaqstan Respýblıkasynyń Prezıdenttigine kandıdat retinde tirkedi. Endi Qazaqstan Patrıottary partııasynyń tóraǵasy Ǵanı Qasymov pen «Tabıǵat» ekologııalyq odaǵynyń tóraǵasy Mels Eleýsizov saılaý naýqanyna alańsyz kirisetin bolady», - dep jazady «Alash aınasy» gazeti búgingi nómirindegi «Prezıdenttikke kandıdattar sany tórteý boldy» degen maqalasynda. Sonymen qatar osy maqalada keshe Ortalyq saılaý komıssııasynyń tóraǵasy Qýandyq Turǵanqulovtyń Daan Everts bastaǵan EQYU Demokratııalyq ınstıtýttar jáne adam quqyqtary jónindegi bıýrosy mıssııasynyń ókilderimen kezdeskendigi jaıynda da jazylǵan.
***
«Kazahstanskaıa pravda» gazetiniń jazýynsha, keshe Parlament Senatynyń Tóraǵasy Qasym-Jomart Toqaev EQYU-nyń Іs basyndaǵy tóraǵasy - Lıtva Respýblıkasynyń Syrtqy ister mınıstri Aýdronıýs Ajýbalıspen kezdesti. Kezdesý barysynda 2011 jylǵy Lıtva tóraǵalyǵyndaǵy basymdyqtar, sondaı-aq ekijaqty jáne kópjaqty turpattaǵy parlamentaralyq ózara is-qımyl máseleleri talqylandy. Prezıdenttik saılaýǵa qatysty Senat Tóraǵasy: «Biz halyqaralyq standarttarǵa saı ashyq jáne ádil saılaý ótkizýdi tolyq qamtamasyz etemiz», - dedi. Tóraǵanyń aıtýynsha, saılaýdy baıqaý jónindegi mindetterdi oryndaý úshin barlyq qajetti jaǵdaı jasalatyn bolady.
