Tóńkeris jasaý áreketine baılanysty Túrkııa elshileriniń birqataryn aýystyrady
ASTANA. QazAqparat - Túrkııanyń syrtqy ister mınıstri Mevlıýt Chavýshoǵly memlekettik tóńkeris jasaý áreketin tergeý aıasynda ózge memleketterdegi birneshe elshiniń qaıta shaqyrylatynyn málimdedi.
M.Chavýshoǵlynyń aıtýynsha, mekeme túrik tilinen aǵylshyn tiline jáne kerisinshe aýdarylǵan emtıhan jaýaptarynyń taralyp ketkenin anyqtaǵan. Mınıstr keıbir sheneýnikterdiń emtıhan jaýaptaryn aldyn ala bilip, jaýapty qyzmetke taǵaıyndalǵanyn aıtty.
«Bizdiń mınıstrlik eń basty baılanystardy júzege asyrady, memlekettik qupııanyń bári bizde. Mundaǵy kez kelgen aqparattyń taraýyna jol bermeýimiz kerek, birneshe elshi qyzmetinen bosatylýy múmkin», - dep málimdedi mınıstr Haberturk suhbatynda.
Búgin Hurriyet gazeti Túrkııadaǵy 42 jýrnalısti tutqyndaý týraly orderdiń berilgenin habarlady.
Olardy áskerı tóńkeriske qatysty, oppozıtsııalyq ıslam ýaǵyzshysy F.Gúlenmen baılanysy bar dep aıyptaýda.
