Tonga jaǵalaýynda 200 keli kokaın tıelgen keme anyqtaldy
ASTANA. 17 qarasha. QazAqparat - Tynyq muhıttyń ońtústik bóligindegi aralda ornalasqan Tonga Koroldiginiń polıtsııasy eki tsentner kokaın tıelgen kemeni anyqtady. Oǵan qosa kemeniń bortynda óli adamnyń denesi tabyldy, dep habarlady Ýtro. rý.
120 mln. dollar turatyn esirtki zaty kemeniń korpýsyna jasyrylǵan.
AQSh-tyń esirtkimen kúres departamentiniń málimetinshe, keme Ekvadordan Avstralııaǵa baǵyt alǵan.
Keme Tonga Koroldiginiń polıtsııasy men avstralııalyq federaldy polıtsııa jáne AQSh-tyń esirtkimen kúres basqarmasynyń birigip ótkizgen operatsııasy barysynda anyqtaldy. Qazirgi ýaqytta quqyq qorǵaý qyzmetteri qaza bolǵan adamnyń jeke tulǵasyn anyqtaýda.
