Tońazytqyshtaǵy sábı ólimi: Atyraýdyń burynǵy bas dárigerine 5 mln teńge aıyppul salyndy
«Búgin №2 Atyraý qalalyq sotynda oblystyq densaýlyq saqtaý basqarmasynyń burynǵy basshysy Mánshúk Aımurzıevaǵa qatysty qylmystyq isti qaraý aıaqtaldy. Ol QR Qylmystyq kodeksindegi 371-baptyń 2-bóligi (aýyr saldarǵa ákelip soqqan salǵyrttyq) boıynsha aıyptalǵan edi.
Sot ony osy bappen kináli dep tanydy. Oǵan 2000 AEK kóleminde, ıaǵnı 5 mıllıon 302 myń teńge aıyppul saldy. Sonymen birge, ol úsh jyl medıtsına salasynda basshylyq qyzmetti atqarý quqyǵynan aıyryldy» -dep habarlady oblystyq sottyń baspasóz qyzmetinen.
Mánshúk Aımurzıeva buǵan deıin ótken sot otyrysynda óziniń kinásin moıyndap, protsessýaldy kelisim jasaýǵa nıet tanytqan bolatyn. Ol 2017-2019 jyldary Atyraý oblystyq densaýlyq saqtaý basqarmasyn basqardy. Al, byltyrǵy kazanda Atyraý oblystyq perzenthanasyndaǵy tońazytqyshta sábı ólimi tirkelgennen keıin óz erkimen qyzmetinen ketken edi.
