Tońazytqyshtaǵy sábı ólimi: Atyraýda dárigerlerge qatysty sot úkimi ózgerissiz qaldy
Búgin oblystyq sottyń baspasóz qyzmetinen málim etkendeı, Atyraý oblystyq sotynyń qylmystyq ister jónindegi sot alqasynyń qaýlysymen «Atyraý oblystyq perınataldyq ortalyǵy» dárigerlerine qatysty Atyraý oblysynyń qylmystyq ister jónindegi mamandandyrylǵan aýdanaralyq sotynyń úkimi ózgerissiz qaldy.
«Budan buryn birinshi satydaǵy sot úkimimen «Atyraý oblystyq perınataldyq ortalyǵy» kásiporny dırektory K.Nysanbaev Qazaqstan Respýblıkasynyń Qylmystyq Kodeksiniń 99-baby, 2-bóligi 3,7,14-tarmaqtarymen (aldyn ala sóz baılasý arqyly bir top adammen dármensiz kúıdegi kámeletke tolmaǵan adamdy óltirý), 361-baby, 1- bóligi (laýazymdyq ókilettigin teris paıdalaný), 24-baby, 3-bóligi, 367-baby, 2-bóligi (para berýge oqtalý) kináli dep tanylyp, oǵan 18 jyl merzimge bas bostandyǵynan aıyrý jazasy, kezekshi dáriger A.Qaıyrjan jáne akýsher J.Kýlbatırova Qylmystyq Kodeksiniń 99-babynyń 2-bóliginiń 3,7,14-tarmaqtarymen kináli dep tanylyp, A.Qaıyrjanǵa 16 jyl, J.Kýlbatırovaǵa 15 jyl merzimge bas bostandyǵynan aıyrý jazasy, neonatolog-dárigerler D.Djýmabaeva, R.Nýrmahanbetov Qylmystyq Kodeksiniń 434-babymen (qylmys týraly habarlamaý) kináli dep tanylyp, olarǵa 3 jylǵa bas bostandyǵyn shekteý jazasy taǵaıyndaldy. Sottalýshylardyń kinási birinshi ınstantsııa sotynda zerttelgen dáleldemer jıyntyǵymen, kýágerlerldiń jaýabymen, saraptama qorytyndysymen tolyǵymen óz dálelin tapqan», -dep habarlady sottyń baspasóz qyzmeti.
Sot alqasy sottalǵandardyń qylmys jasaǵany óz dálelin tapqany, jazanyń túri men merzimi jasaǵan áreketterine, zań talaptaryna saı taǵaıyndalǵany týraly tujyrymǵa keldi.
Eske sala ketelik, budan buryn Atyraýda perzenthana dárigerlerine sot úkimi shyqqanyn habarlaǵan edik.