Tońazytqyshta ólgen sábı oqıǵasy: Úshinshi dáriger ustaldy
ATYRAÝ. QazAqparat – Atyraýda tońazytqyshta ólgen sábı oqıǵasy boıynsha úshinshi dáriger ustaldy, dep habarlaıdy QazAqparat tilshisi.
«Atyraý tergeý soty perınataldyq ortalyq dárigerleriniń bireýin eki aıǵa qamaýǵa alýdy sanktsııalady. Sot mundaı sanktsııany Sybaılas jemqorlyqqa qarsy is-qımyl departamentiniń qyzmetkerleri tergeý júrgizip jatqan perınataldyq ortalyqta jańa týǵan náresteniń ólimine qatysty qylmystyq is aıasynda shyǵardy. Tergeý nusqasy boıynsha tońazytqyshqa tiri shaqalaqty salǵan», - dep habarlady oblystyq sottyń baspasóz qyzmeti.
Ustalǵan gınekolog-dáriger qylmystyq istiń úshinshi fıgýranty boldy. Buǵan deıin perınataldyq ortalyqtyń bas dárigeri men gınekolog qamaýǵa alynǵan edi.
Eske sala keteıik, 2019 jyldyń qyrkúıek aıynyń sońynda Atyraý oblysynda perınataldyq ortalyq basshysy men dárigeri jańa týǵan náresteni tońazytqysh kamerasyna salyp óltirdi degen kúdikke ilingen bolatyn.
