Tońazytqyshta ólgen sábı oqıǵasy: Mınıstrlik pikir bildirdi
Densaýlyq saqtaý vıtsı-mınıstri Lázzat Aqtaevanyń aıtýynsha, mundaı sheshimge Atyraý oblysynda perınataldy ortalyǵynyń basshysy men dárigeri jańa týǵan náresteni tońazytqysh kamerasyna salyp óltirdi degen kúdikke ilinýi sebep bolǵan. Sondaı-aq, atalmysh perzenthana ortalyǵynyń qyzmetkerleriniń jemqorlyqqa baılanysty qylmystyq iske qatysty bolýy da yqpal etken.
«Atyraý oblystyq perzenthana ortalyǵy oblystyq densaýlyq saqtaý basqarmasyna qaraıdy. Osyǵan baılanysty mınıstr (Birtanov-avt.) mundaı jaǵdaılardyń tirkelgenin estip keshe Atyraý oblysynyń Densaýlyq saqtaý basqarmasynyń basshysyn jumystan shyǵarýdy usyndy. Basqarma basshysy óz erkimen jumystan ketetinin aıtty. Budan buryn aıtqanymdaı, bas dárigerlerdi taǵaıyndaý nemese olardy alyp tastaý – jergilikti atqarýshy organdardyń quziretine jatady», - dedi ol elordada Sybaılas jemqorlyqqa qarsy is-qımyl agenttiginde ótken brıfıng barysynda.
Sonymen birge, vıtse-mınıstr shetinegen náresteniń ata-anasynan keshirim surady.
«Men qaıǵy jamylǵan otbasyǵa kóńil aıtyp, keshirim suraımyn. Alaıda, qasaqana kisi óltirý faktisin júrgizilip jatqan tergeý anyqtaıdy», - dedi ol.
Eske sala ketsek, buǵan deıin Atyraý oblysynda perzenthana ortalyǵynyń basshysy men dárigeri jańa týǵan náresteni tońazytqysh kamerasyna salyp óltirdi degen kúdikke ilingeni habarlanǵan bolatyn.
