Tonaýshy polıtsııaǵa aryzdanýǵa keńes berdi
ASTANA. Qazannyń 7-si. QazAqparat - Kalıfornııa shtatyndaǵy Orındj okrýgindegi azyq-túlik dúkenin tonamaqshy bolǵan 18 jasar quqyq buzýshy saýda núktesiniń qyzmetkerlerine polıtsııa shaqyrýǵa keńes berdi,
dep jazady Lenta.rý The Orange County Register-ge silteme jasap.
Satýshylardyń biri habarlaǵandaı, jas jigit dúkenge kirip, oǵan: «Aqsha ber, nemese polıtsııaǵa habarla» degen. Jas jigittiń qolynda tapansha boldy, biraq keıin belgili bolǵany, ol mýlıaj eken.
Quqyq buzýshynyń sózin estigen dúkenniń basqa qyzmetkeri polıtsııaǵa tonaý týraly habar beretin dabyl núktesin basady. Al, dúken satýshysy jas jigittiń usynysynan bas tartpaı, 911 qutqarý qyzmetine telefon shalyp, dıspetcherge tonaý týraly habar beredi.
Satýshy qutqarý qyzmetimen sóılesip jatqanda, satýshylardyń biri tapansha ustaǵan jigitke demalyp, sýsyn ishýge keńes beredi. Quqyq buzýshy salqyn shaı iship, saýda núktesiniń ishinde polıtsııanyń kelýin kútedi.
Nátıjesinde tonaýshy tutqyndaldy. Oǵan tonaý jasaýǵa áreket etti degen aıyp taǵylýda.
