Tonaýshy elordalyq lombardta kepilge alynǵandardyń birin bosatty (FOTO)
ASTANA. QazAqparat - Astanadaǵy M-Lombardǵa basa-kóktep kirgen tonaýshy kepilge alynǵandardyń birin bosatty.
«Iá, ol lombardtan qyzmetkerlerdiń birin bosatty. Oqıǵanyń basqa mán-jaıy keıinirek habarlanady. Kelissózder júrgizilip jatyr», - dep habarlady Astana ІІD baspasóz qyzmetiniń jetekshisi Sofıa Qylyshbekova.
Qazirgi kezde lombard aýmaǵy qorshaýǵa alynǵan. Kýágerlerdiń aıtýynsha, kúdikti 3 saǵattan astam ýaqyt lombardta qamaýda otyr. Qazirgi kezde onyń aınalasyndaǵy dámhana, dúkender, basqa da qyzmet kórsetý oryndary jabyq tur. Polıtsııa keńse ornalasqan úı turǵyndarynyń kóshege shyqpaýlaryn suraıdy, dep habarlady QazAqparat tilshisi oqıǵa ornynan bergen jedel aqparatynda. .
Eske sala keteıik, búgin Kenesary kóshesinde «Spýtnık" dúkeni aýdanynda ornalasqan M-Lombardty tonaýǵa áreket jasaldy. Іshke basyp kirý kezinde dabyl tetigi iske qosylyp, esik avtomatty túrde qulyptalyp, ishte kúdikti jáne eki lombard qyzmetkerleri qamalyp qaldy.
Sondaı-aq baspasóz qyzmeti bul lańkestikpen baılanysty emes, qatardaǵy tonaý oqıǵasy ekenin atap ótti. 
