Tomoterapııa TMKK tizbesinde qalady: Onkopatsıentter josparly em alýdy jalǵastyrady
ASTANA. KAZINFORM – Densaýlyq saqtaý mınıstrligi tomoterapııanyń tegin medıtsınalyq kómektiń kepildik berilgen kóleminiń (TMKKK) tizbesine enýin jalǵastyratynyn jáne onkologııalyq aýrýlar boıynsha emdelip jatqan barlyq patsıent tolyq kólemde em alatynyn habarlaıdy.
Negizgi ózgeris tek kómek kórsetý nysanyna qatysty boldy: endi ol ambýlatorııalyq jaǵdaıda emes, kúndizgi statsıonar sheńberinde – radıatsııalyq onkolog dárigerdiń jáne medıtsınalyq qyzmetkerlerdiń turaqty baqylaýynda júzege asyrylady.
Bul sheshim emdeý úderisine neǵurlym muqııat baqylaýdy qamtamasyz etýge, onyń tıimdiligin, kórsetiletin medıtsınalyq kómektiń qaýipsizdigi men sapasyn arttyrýǵa baǵyttalǵan.
– 2023-2027 jyldarǵa arnalǵan onkologııalyq aýrýlarmen kúres jónindegi keshendi jospar aıasynda Qazaqstanda onkologııalyq kómek ortalyqtarynyń jelisi belsendi damyp keledi. Medıtsınalyq mekemelerge aldyńǵy qatarly álemdik óndirýshilerdiń zamanaýı jabdyqtary jetkizilip jatyr. Joǵary tehnologııalyq jedeldetkishterdi engizý radıoterapııa salasyndaǵy birqatar ózekti máseleni sheshýge jáne onkologııalyq naýqastardy emdeýdiń qoljetimdiligi men sapasynyń joǵary deńgeıin qamtamasyz etýge septigin tıgizedi.
– Búgingi tańda Qazaqstanda 22 jelilik jedeldetkish jáne 20 gamma-terapevtik apparat jumys isteıdi. 2024 jyly elimizdiń bes óńirinde – Abaı, Qaraǵandy, Soltústik Qazaqstan oblystarynda, sondaı-aq Astana jáne Almaty qalalarynda (2 apparat) 6 jańa jedeldetkish paıdalanýǵa berildi. Bul sáýlelik terapııamen qamtýdy edáýir keńeıtýge jáne barlyq muqtaj patsıentterdi zamanaýı emdeýmen qamtamasyz etýge múmkindik berdi.
– 2025 jyly Qostanaı, Qaraǵandy, Shyǵys Qazaqstan jáne Pavlodar oblystarynda taǵy tórt jelilik jedeldetkish ornatý jumystary jalǵasyp jatyr.
– Jańa jelilik jedeldetkishterdi engizilýi beıimdeletin jáne 4D-sáýlelik terapııanyń ınnovatsııalyq tehnologııalardy qoldanýǵa múmkindik berdi.
Beıimdelgen terapııa dáldiktiń joǵary deńgeıin jáne naqty ýaqyt rejıminde patsıenttiń anatomııalyq erekshelikterine baılanysty sáýlelený dozasyn ózgertý múmkindigin qamtamasyz etedi.
Eske salsaq, osyǵan deıin elimizde jyl saıyn 600-ge jýyq bala onkologııalyq aýrýǵa shaldyǵatynyn habarlaǵanbyz.