Tomırıs «Miss Grand International – 2025» baıqaýynda Qazaqstan namysyn qorǵaýda

ASTANA. KAZINFORM – Qyzylorda qalasynyń týmasy Tomırıs Qadyrhan Taıland astanasy Bangkokta ótip jatqan «Miss Grand International – 2025» halyqaralyq sulýlyq baıqaýynda Qazaqstan atynan óner kórsetip jatyr.

Bul – elimizdiń atalǵan bedeldi baıqaýǵa tuńǵysh ret qatysýy. Saıys 29 qyrkúıekte bastalǵan, al fınaldyq kezeń 18 qazanda ótedi.

23 jastaǵy Tomırıs Qadyrhan iri munaı óńdeý kompanııasynda eńbek etedi. Ol qazirgi zamanǵy qazaqstandyq áıeldiń tabysty, órshil, sonymen qatar názik beınesin kórsetedi. Jas arý sportpen shuǵyldanady, psıhologııa men mádenıetke qyzyǵýshylyq tanytady.

Uıymdastyrýshylar alǵashqy qarsy alý rásiminen fotosýretter jarııalady.

Aıta keteıik, buǵan deıin Taılandtan shyqqan stýdent qyz «Álem arýy – 2025» atanǵan bolatyn.