Tómen baıytylǵan ýran banki qoımasyn Ulttyq gvardııa kúzetedi
ASTANA. QazAqparat - Úlbi metallýrgııalyq zaýytyndaǵy Tómen baıytylǵan ýran banki qoımasyn elimizdiń Ulttyq gvardııasy kúzetetin bolady. Bul týraly búgin atalǵan zaýyt ókili Aleksandr Hodanov málim etti dep habarlaıdy QazAqparat.
«Úlbi metallýrgııalyq zaýytynyń kúzetiletin aýmaǵyndaǵy qoımanyń qaýipsizdigin Ulttyq gvardııa áskeri kúzetke alady. Jalpy, biz mundaı materıaldarmen 40 jyldan astam júmys isteýdemiz. Bul atom elektr stansalary úshin otyn daıyndaýǵa arnalǵan shıkizat sanalatyn standartty materıal. Zaýyt osy ýaqytqa deıin mundaı materıaldarmen jumys istep turǵan, bizde qandaı da bir tosyn oqıǵa bolǵan emes», - dedi ol.
Hodanovtyń aıtýynsha, tómen baıytylǵan ýran eýropalyq 30V standarty úlgisindegi tsılındrde saqtalady. Tsılındrdiń qalyńdyǵy 13 santımetr, joǵary kómirtekti bolattan jasalǵan.
«Bul tolyǵymen qaýipsiz qurylǵy jáne materıaldyń saqtalýyna qamtamasyz etedi. Ol qandaı apat oryn alsa da syrtqa shyǵaryndynyń oryn alýyna jol bermeıdi», - dedi ol.
Onyń sózine qaraǵanda, ıardolyq materıaldyń qaýipsizdigin qamtamasyz etýge baǵyttalǵan barlyq sharalary júrgizilgen jáne ony MAGATE sarapshylary tolyq tekserip, oń baǵa bergen.
Aıta keteıik, búgin QR Parlamenti Májilisiniń Halyqaralyq ister, qorǵanys jáne qaýipsizdik komıtetiniń keńeıtilgen otyrysynda «QR Úkimeti men Atom energııasy jónindegi halyqaralyq agentik arasyndaǵy Qazaqstan Respýbılkasynda Atom energııasy jónindegi halyqaralyq agenttiktiń Tómen baıytylǵan ýran bankin qurý týraly kelisimdi ratıfıkatsııalaý týraly» QR zańynyń jobasy talqylandy.
Esterińizge sala ketsek, 2015 jyldyń 27 sáýirinde Qazaqstan Úkimeti óz qaýlysymen elimizde MAGATE-niń Tómen baıytylǵan ýran bankin «Úlbi metallýrgııalyq zaýyty» AQ-ynda ornalastyrý týraly kelisimge qol qoıýdy maquldaǵan bolatyn. Sol jyldyń 27 tamyzynda kelisimge Qazaqstan tarabynan Erlan Yydyrsov pen MAGATE-niń bas dırektory ıÝkııa Amano qol qoıǵan edi.
