Tomat tuzdyǵy ómirdi uzartady
ASTANA. 20 qarasha. QazAqparat - Barselona ýnıversıtetiniń ǵalymdary tomat tuzdyǵyn ómirdi uzartatyn ónimder qataryna qosýdy usynyp otyr.
Olar bul ónimniń mıdaǵy qan aınalymy jumysyn rettep, ustamaly júrek aýrýynyń aldyn alatynyn anyqtady.
The Daily Mail-dyń habarlaýynsha, ǵalymdar zerttegen tomat tuzdyǵynyń quramy qyzanaq, záıtún maıy, pııaz ben sarymsaq qospasy jáne júgeri unynan turady. Al hımııalyq-bıologııalyq quramyna kelsek, onda antıoksıdant bola alatyn 40 polıfenol bar. Júrek pen qan aınalymy júıesin qyshqyldanýdan saqtaıtyn zattar - osy. Ispan ǵalymdarynyń aıtýynsha, dál osyndaı qosyndylardan turatyn qyzanaq tuzdyǵy adam aǵzasy úshin asa paıdaly. Ásirese ol júregi aýyratyn naýqastardyń ómirin uzarta alady, dep jazady «Alash aınasy» gazeti.
