Tomas Bah HOK-tiń qurmetti prezıdenti bolyp saılandy

ASTANA. KAZINFORM – Grekııanyń Kosta-Navarıno qalasynda ótken Halyqaralyq Olımpıadalyq komıtetiniń (HOK) 144-shi sessııasynda Tomas Bah HOK-niń qurmetti prezıdenti bolyp ómir boıyna saılandy. Bul týraly UOK habarlady. 

Ol bul qyzmetti 2025 jylǵy 23 maýsymda prezıdenttik merzimi aıaqtalǵannan keıin atqarady. 

Atalmysh bastamany HOK-niń Atqarýshy komıteti atynan uıymnyń birinshi vıtse-prezıdenti Nıkol Hýverts usyndy, al HOK músheleri bul usynysty biraýyzdan qoldady. 

Tomas Bahtyń qurmetti laýazymǵa saılanýy onyń olımpıadalyq qozǵalysty damytýǵa qosqan úlesiniń moıyndalýy boldy. 

Eske sala keteıik, buǵan deıin bokstyń 2028 jylǵy Olımpıada oıyndarynyń baǵdarlamasyna engizilgenin jazǵan edik.