Tomas Bah Halyqaralyq Olımpıada komıteti prezıdenti qyzmetine qaıta saılandy
NUR-SULTAN. QazAqparat - Tomas Bah Halyqaralyq Olımpıada komıtetine (HOK) prezıdent qyzmetine qaıta saılandy, dep habarlaıdy QazAqparat tilshisi atalǵan uıymnyń saıtyna silteme jasap.
Bul sheshim HOK-niń 137-sessııasynda ótkizilgen saılaýda qabyldandy. Onlaın rejımde uıymdastyrylǵan shara barysynda ol 93 daýys jınap, bir adam qarsylyǵyn bildirdi.
Aıta keteıik, atalǵan saılaýda bir ǵana úmitkerdiń kandıdatýrasy tańdaldy.
Tomas Bah jańadan saılanǵan qyzmetine 3 shilde-8 tamyz aralyǵynda ótetin Tokıo Olımpıadasynan keıin kirisedi.
Esterińizge sala ketelik, ol - Halyqaralyq olımpıada qomıtetiniń toǵyzynshy prezıdenti. Bul qyzmetti 2013 jyldan beri atqaryp keledi. Atalǵan uıymǵa 1991 jyly múshe esebinde qabyldanǵan ol 1996-2000 jyldar aralyǵynda atqarý komıtetiniń quramyna endi. Al 2000-2013 jyldarda vıtse-prezıdent boldy.
Bıyl 68 jasqa tolatyn Tomas Bah 1976 jyly semserlesý sportynan Olımpıada chempıony ataǵyn jeńip alǵan edi.
