Tomas Bah: Brazılııadaǵy daǵdarys 2016 jylǵy Olımpıadaǵa kedergi keltirmeıdi
ASTANA. QazAqparat - Saıası jáne ekonomıkalyq ahýal Rıo-de-Janeıroda 2016 jylǵy jazǵy Olımpıada oıyndaryn ótkizýge áser etpeıdi.
Germanııanyń Kicker basylymyna suhbat bergen Halyqaralyq olımpıada komıtetiniń prezıdenti Tomas Bah osylaı málimdedi.
Jeltoqsan aıynda Fitch halyqaralyq reıtıng agenttigi Brazılııa reıtıngisin «BB+» deńgeıinen «BBB-» deńgeıine túsirgen. Bul kórsetkish boıynsha boljam «negatıvti» bolyp belgilendi.
«Brazılııada qazir jaǵdaı qıyn, ondaǵy saıası jáne ekonomıkalyq ahýal bizge belgili. El tereń daǵdarys jaǵdaıynda. Alaıda qurylys nysandary aıaqtaldy, sondyqtan biz aıyryqsha Olımpıada oıyndaryna kýá bolamyz», dedi Bah.
XXXI jazǵy Olımpıada 2016 jylǵy tamyzdyń 5-nen 21-i aralyǵynda ótedi. Olımpıada oıyndary Ońtústik Amerıkada alǵash ret uıymdastyrylýda.
