Tom Lıttl: Sonderstiń Golovkındi jeńýi ábden múmkin
ASTANA. QazAqparat - Brıtandyq boksshy Tom Lıttl iFL TV bergen suhbatynda óz otandasy Bıllı Djo Sonderstiń (24-0, 12 KO) qazaqstandyq Gennadıı Golovkınmen (37-0, 33 KO) bolýy yqtımal aıqastaǵy múmkindikterine baǵa berdi, dep habarlaıdy Sports.kz.
- Sonders - úlken ári kúshti orta salmaq boksshysy, ol Golovkınge ońaı qarsylas bolmaıdy. Meniń oıymsha, Sonders Golovkınnen basym túsip, boks áleminde úlken apset jasaıdy», - dep málimdedi Lıttl.
Golovkın - Sonders aıqasy 10 maýsym kúni Astanada ótedi dep kútilýde. Qazirgi ýaqytta boksshylardyń promoýterleri Tom Leffler pen Frenk Ýorren kelissózder júrgizip jatyr.
