Tom Leffler: Sonders Golovkınmen baılanysqysy kelmeıdi
ASTANA. QAZAQPARAT - K2 Promotions promoýterlik kompanııasynyń atqarýshy dırektory Tom Leffler WBO nusqasy boıynsha orta salmaqtaǵy álem chempıony Bıllı Djo Sonderstiń o bastan Gennadıı Golovkınmen qolǵap túıistirýge shyn nıeti bolmaǵan dep sanaıdy. Bul jóninde Sports.kz habarlady.
The Ring jýrnalyna bergen suhbatynda Leffler: «Sonderstiń Golovkınmen sharshy alańǵa shyqqysy keletini týraly aıtqany men kelissózderdiń qalaı júrgeninen-aq onyń Golovkınmen baılanysqysy kelmeıtini anyqtala tústi. Eger ol kishigirim tıtýldyq ataqtardy qorǵaǵysy kelse túsinikti. Al eger álem chempıony ekenińdi jáne bıikte turǵanyńdy dáleldegiń kelse basqa jolmen júrý kerek», - degen.
