Tom Leffler: «Kotto bizben kelisedi nemese tıtýlynan aıyrylady»
ASTANA. QazAqparat - Senbi kúni Vıllı Monromen kezdesip, jeńiske jetken WBC boıynsha orta salmaqtaǵy chempıony qazaqstandyq Gennadıı Golovkın (33-0, 30 KO) Mıgel Kottomen (39-4, 32 KO) kezdesýge basty úmitker ekenin dáleldedi. «Ol kúzde Saýl Alvarespen jekpe-jekke shyǵýy úshin aldymen Golovkınmen kezdesýi kerek, dedi Gennadııdiń promoýteri Tom Leffler. - Nemese Mıgel tıtýldan aıyrylady».
«WBC Kotto men Gıl jekpe-jeginiń (6 maýsymda ótetin) jeńimpazy Gennadıımen judyryqtasýy kerektigin anyq aıtty, - degen Lefflerdiń sózin Boxingscene keltirdi. - Kotto Alvarespen de kezdese alady, alaıda WBC tıtýly úshin emes. Ol mindetti túrde Gennadıımen kelisýi kerek. Mundaı kelisim ázirge joq, sondyqtan kútemiz. Eger Kotto onyń ruqsatynsyz judyryqtassa, onda ol tıtýldy bosatyp, Gennadıı avtomatty túrde álem chempıony atanady».
